Rabu, 29 Juni 2011

Arti Permata Menurut Orang Bali

                                                   SOCA UTAMA SOCA UTAMA
BALI – LONTAR I 
Om awigenam astu nama sidiyem Yan kita maidep, ring daging soca utama iki tengaran niye iki ucapan iye Ring kandan niya den perayanta. Poma. Poma. Poma.Niya tengeran mirah sane utama, matemah manik maya tur merawat rasa kadi rumput ring toya di belange sane ening toyan ipunne. Irika wenten metukukus medaging urat kadi rambut sane alus pekeranyab kadi inten tur dumilah mengalah alah matemahan kadi toya ening,iki ngarahan mirah utama data wiyadin alit mirah ike wenang anggen sesikepan ring raganta,mangkana sajeroning sastra.Saluiring sane kabaos utama patut kakaryanan lelaban segan bang akepel, canang manisan segan asia tanding katur ring ide betara tengahin segara.Yan ani soca ireng ngumedep ngeristal, tur setengah madiut biru masinar kuning maurat kuning kadi kalimayah iki mirah utama, ngaran nariyana siwa sekalapenganggen sang putus miwah sangang anggewerat palawiya wong asih kabeh yan uning ngastawayang ring ida sangahyang tiga sakti.Ane mirah barak mesawang ireng tur magurat kadi padma putih gurat ipun,maketel selem,ngaran padma agung utama dahat mirah ika. Patut anggen gagelaran ring pakurenan pangeleburan mala ring raga widi asih palaniya ngaran tri sakti.Yan ani mirah ireng kumedep biru masawang gadang dumilah tur matemahan manik maya kuning, ika mirah utama ipa sari ngaran siwa sekala anggen gagelaran ring raga,dewa asih,manusa asih sejagat ika palinggih ida, siwa tiga arang mirah iki.Yan mekarya sane utama, ngaruran lalaban nasi wong wongan ring ida batara sakti , ring peramenake ida sami tambahinlalapan genap mangda rahayu.Iki utaman ida bagawan astikala.Yan mirah biru matemahan manik maya,mirah hijau madiut kuning,pirus beru,sane patut angge medal ring dina saniscara kliwon wenang angge.Yen mirah dadu meclek kuning matemahan manik maya, ane madan mirah mawar, mirah surya ane barak maliyeb mayeh kuning, wenang sang nganggen medal ring dina anggara manis.Mirah jempaka wilis, maurat kadi rambut, ngaran mirah rambut sedana, utama daat wenang ainggen pangasih, miwah anggen pengastawa ring ida ida yusubawa, sane malinggih ring malangting sane sampun kawulus, ringsane sampun dados sudagar anggen wiyadin dagang sane alit juga wonang patut kasungkeming oleh ipare dagang sinamiyan sane mikolihin rejeki, rambut sedana patut ida sungsung odalin, ikikautamania mangkana kojar ring aji.Yan medal ring dina buda paing, wonang anggen mirah kuning, aorbang ngarang bidure jempaka jagat kuning mirah adi ika ngarang utama ika.Yen medal ring weraspati pon, wenang anggen mirah kunta, mirah mawar madiyut kuning japis, mekali mayah darah ika utama.Mirah ijo manten, pirus, jambrut, sapir biru, sane wonang anggen medal ring dina sakura pon.Mirah kecubung, madiut tangi masawabang mabintang bintang ring ttengah niya utama ipun anggen mabaos anggen pengasih miwah pakemit ring raga miwah ring pakurenan manusasih lanang isteri ika kautaman niya.Medal ring dina, sukra wage wonang angge mirah wesurya ijo manten pirus daun ika utama.Yan medal ring dina, saniscara kliwon, wonang angge mirah windusara ratna agung mirah darah mirah juwet ika utama ipun.Mirah dewa, mirah ideranila, jempaka putih pawala putih medal ring redite wenang angge.Mirah kecubung sapir kerestal, setengah kerestal, tangi muda madiyut maembun masawang kadi nila, maembun tangi sapir tandan ipun, madiyut tur maembun, tur matemahan manik maya, ika ngaran mirah utama daat anggen sasikepan ring pakurenania, tur pengasih agung, busanan sang ngawerat pateh ring keresna dana utama ipun.Yan medal ring radite manis, jagasatru, nilabanyu, mirah dewa, angrek ulan, ika utama patut anggen.Yan anu soco ireng ngumedep, sekadi siksikbe pekerenyeb ika ngarang windu murti, utama ika anggen sasikepan ring raga.Yan mirah abang mecelek putih, ngaran ratna duite utama anggen muspa.Mirah kecubung delima malit, sekadi batun delima tangi pateh ring windusara,gelaran sake wonang mirah sire ngangge luih tur angge momon ong pejah wiyadin angge mepanes luih tan kena kebencana. Iki duk ide sang pandawo, nangun tapa semadi, ring gunung wanagiri, ana anggeni ring ajeng merupa manik putih matemahan manik maya, madiyut kadi biang lalah mate kukus ika ngaran sitangsu metaja kadi dammar megurat ijo, utama niya anggen panolak musuh sakit muang bicara wonang iya.Yan ane soco biru laut mecelek bang matemahan manik ika ngaran golo raja utama.Sakalu iring batu campur, besi, mas, perak, temaga kuningan, miwah logam, ike anggen pengiderjana.Seluiring kayu katos kadi merupa batu, bobot utama ika angge sasikepan ring rage.wonang ring pakuren niya side rahayu.Mirah sitangsu palania, palemahania, nangin tuah ring sarining buana kabeh.Mirah manjangan bang, palania tuah ring sedagingin kelod serasaning tastere kabeh muang darma wisesa.Mirah jaga satru palania pascima bau putra miwah darma wisesa. Sakaluiring sane kebaos utama kadi pawalek ida menurut ring sesajen ipun, maturing ida betara merajapati pitui maeles sekadi batu pateh kautaman ipun yan sampun uning ring pengastawan ipun ika sami deruen widi.Mirah keresna dana, utama palania patut anggen medana punia ring wadua tangkasurin paran paran.Mirah windusara, palania tuah ring rasaning buana kabeh muang darma wisesa muang ring nitikamoksa,menurut ring risapaku remania.Mirah biru,Macah acah biru, mekukus biru, ngaran narayan siwa seloka,Yan ane caling duyung wong utama anggen pekemit rage saluiring wisia mimpas,Yan caling warak anggen matetamban utama,Yan caling macan wenang anggen sasikepan wong rare anggen kalung.Yan cetong kelesih utama anggen ngetes anak sakit kena bebainan miwah buduh.Mirah selem mesurya lalima kuning ngaran mirah jaga satru utama daat..Yan mirah selem ening, kumedep tanpa talutuh masurya kadi surya wawuendag mateje kadi biang lalah metu kukus kadi tejan damar ngaran keresnadana.Yan mirah bang awor putih ening ngaran mirah delima.Yan anu tanduk cicing utama anggen sasikepan ring raga sarira,campurin les kayu kelor medaging batu miwah besi tur ika mebatu luih utama anggen pakemit pakurenan.Yan ana benang miwah kapas keniyang ring umah nyawane utama daat anggen pengeraksa jiwa miwah pengasih agung pituiring maduyane pateh utama ipun.Yan ana mirah kadi darah matemahan manik maya tur ening ika ngaran ratna agung utama daat mirah ika.Yan mirah dadu tur ening awor toyannya ring tengah niya ngaran mirah mawar.Yan ana mirah bang belang putih matemahan manik mayan makaliyeb tangi dumilah metekukus ngaran windusara utama daat.Yan ana soco bang ngumedep ton sakengdeh nyemprot kadi surya wawu edang yan genahan ring jembunge medanging toyo ening toyo ika barak kadi rah ika ngaran mirah rukmarata mirah bayu yen sire dewure mirah ika tan kamanan ring sanjata saluiring pekaryan manusa sangangge mirah ika luih utama daat saluiring musuh asih pada nebah olas.Mirah bang mesinar bang ika ngaran rukma rata.Yan ana mirah rukmata ika anggen pengeleburan saluiring mala kelebur ulih toyan mirah ika wiyadin memati mati duke urip kalebur deniya riwekasan yan mati kependak antuk joli mas.Mirah kecubung kasian, biru madiyut bang tur matemahan manik maya metekukus tanpa teleteh tur dumilah mengalah alah ika utamaniya anggen gagunan medagang.Ana mirah kuning utr ening matemahan manik maya ika ngaran mirah cempaka utama ipun anggen muspa miwah masucian.Batu bolong les kelor, tiing buluh empet, utamaniya anggen sasikepan ring raga pangimpas agung tan kasor ring musuh astawayang ring merajapati.Kayu campur emas miwah kayu emas anggen pekemit raga widiasih manusa asih yan uning ngastawayang ring ida sangiyang wonang.Ika kautama mirah sane luih ring tutur kadiyat mikan peralina mantan baos ida Begawan astikalpa, yan ana mirah sekadi batun dalima matemahan manikmaya wiya dadin madiyut sakewala tagtimedaging warna ipun putih bang muda ijo kuning ireng biru ungu wiyadin malit mirah ika tur cekak cekok sekadi batun delima ika tuah sarin tanah sarin toya sarin sinar aka madurgama jati mangrangkep.Eles dadap warna tiga, putih coklat kuning, utama daat pengijeng ring paumahan widiasih,rejeki asih,iki palinggian sang yang siwa tiga yan uning ngastawayang ring ida sang yang widi wasa miwah ring ida betara merajapati ngaturan sesajen perasantun upa saksi ring ida mangda sida rahayu nulus.Ana soco ireng ngumedep madiyut putih maurat kuning kadi sangket tur medaging urat leser kuning tur metuteja ijo, muah biru mesinar kadi namu namu metu geni ka ngaran mirah parta wijaya utama daat anggen anak agung.Mirah ana cara minced dimasak campurkaca dadi permata macem macem warna ipun madiyut maden pantetis untuk periyasan.Eles jepun warna ireng putih anggen ngetes warna ireng ring widi ring sangyang ludra asih manusa asih.Mustika Kopi pateh ring besi kuning warnan ipun pateh ring batun kopi,kadedep dep pangimpas agung.Batu ijo miwah ireng ngumedep marupa soca bolong asia warna kadi tusuk jarum ipun dating utama anggen pekemit ring raga tur tumus.Ane mirah bang masurya kuning dumilah ika ngaran mirah adi,utama dahat mirah ika,anggen pekemit raga miwah pakurenan.Yan ana soca madiyut bang nyaran mirah ulung utama tinutin saking yogan ida sang darma putra ana manik ulung.Soca badar perak petelitik putih badar mas petelitik putih nedaki,utama anggen pekemit raga.Yan ane soca misi besi ngaran badar utama pangimpas impas.Soca batu campur emas badar emas ngaran utama dahat anggen pangijeng umah pakemit raga saananing bicari mimpas.Yan ana badar mas berumbun seananing pekakas pegawen manusa sakti luir ipun sane uning neluh nerang jana punah.Yan ana soca kuning mateja kadi malah tan malah alah tur madiut kadi neteraning kesari metu kukus ika ngaran sitangsu sarin tanahe ring genah sang arjuna nangun tapa anggen panolak satru ngaran jaga satru.Besi tawar ane selem anggen soca utama pangimpas impas musuh anggen malianing utama toyan ipun anggen nawar sang sakti.Tawar kuning anggen pekakas nolak musuh.Tawar putih perlu anggen pengasih.Besi tawar barak utama anggen pangijeng raga karang.Yan ana mirah seliwah windusara,ika ngaran ika sarin tanah genah sang bima ,mayoga utamania anggen pangijeng ring pekarangan,panolak musuh sakti.Mas putih utama anggen pangijeng.Mas ijo pateh utaman ipun.Mas ijo campur batu campur kayu dadi batu utama anggen jimat.Yan ana mirah masurya kembar surya cendana ika ngaran sarin tanah ring genah sang nakula nangun tapa utama anggen melalungan anggen ngastawa ring ida betara siwa tiga sakti.Yan ana soca keniang ring tengah batune gadang gading mabianglalah, metu kukus mateja magurat kadi rambut pakemit atma.Ana kayu marupa batu ring tengah kayune ageng keniang ika ngaran manik atma raksa anggen pengasih.Ana mirah bang macecek putih matemahan manikmaya ika ngaran mirah ratnaduwita anggen anak istri.Ana batu kuning kakeniang ring basang lelipine bang utama anggen gagelaran ring angge sarira.Ana soca keristal marupa kadi getih dumilah tan malah malah temu kukus , matemahan manik maya ngaran mirah bayu iki sarin tanah ring genah dewi kunti nangun yasa utama dahat mirah ika.Yan ana ules lelipi mebat di baduur bulihe,utama anggen sesikepan ring ragane, tankekantenan ban imusuh yan angge ules ika.Ana umah tabuan ring beduur batune gede, medaging batu alit sekadi matan titiran bebed sekadi rambut utama anggen penawar sakti.Yan ana soca marupa ireng masawang ijo masawang biru tur ening madiut putih kadi neteraning kesari metu kukus meteja sekadi tejan damar ring tengahnia katon kadi bintang kartika tur maurat gangga mewarni solas warni ngaran kresne murti dating utama mirah ika wenang sang anggewerat angge ika.Ana besi kuning ring sebum belatuke rupan ipun kadi buah base sane alit ika anggen keteguhan kalaning mayuda.Yan ane sebum titiranne madaging kuningan tanying tipis kadi taji bawak miwah mirah bang utama anggen maliyaning sakti.Yan ane batu soca batu bebed utama anggen mekarya ring carik.coca batu tapak dara temus anggen pengimpas impas.Yan ane soca gadang petelitik kadi bulenan tipis tur mawat kuning ngaran pirus daun utama anggen sesikepan luas memargi sesikepan anak beling.Yan ana pirus maurat emas pakemit agung widi asih ring sanga angge pirus punika yang memargi doh saking iraga pacing matilar saking gumi iriki jegtanpesangkan rauh petulung.saluiran soca medaging gambaran utama.Yan ana tahan mas berumbun utaman ipun pengasih jagat miwah dewa asung pengastawan ipun ring ilapi wong tanana.Ana mirah putih maketel selem ngaran nila kante wenang anggen ring wewalungan miwah medal ring radita wage ika utamannia.Soca putih aor biru ngaran nila anom utaman nia anggen pengastawan ring widi. Yan putting aor kuning ngaran indra nila wenang anggen ring sangmedal buda manis malia redite pon ika utamania.Yan putih macecek barak ngaran nila geni anggen anggelukat ong gering wenang.Mirah gadang macecek dadu ngaran asti kresne wenang anggen medal ring saniscara paing.mirah gadang mabenang a katik ngaran biduri kresnawenang sang medal saniscara manis angge ika. Yan mirah biru mebenang akatih ngaran biduri laliut mijil ring sukra manis wenang angge mirah ika. Mirah kedukduk bang maketel putih patelitik ring tengah nia sekadi bias malela pateh ring mirah kacubung utama nia. Mirah inten putih kristal matoyo kuning madiut ipun sekadi berlian wenten kadi bintang pababiat utama anggen penganstawa ring widi medagangan utama ring kacubung kasian. Yan mirah putih makedep kadi kerestal cekok wiadin benjot matoyo kuning ring tengahnia tur makedep putih diyut ipun sekadi inten ika ngaran mirah jajilih asti anggen sasikepan ring raga wenang buntil ring sabuk ika ngaran mirah utama. Yan mirah kuning mebenang akatih ngaran beduri cempaka. Yan mirah putih mabenang akatih masawang biru ngaran bidure bulan. Mirah tangi mesawang pelungmabenang akatih ngaran kacubung lung. Batu kumala warnan ipun putih ireng ijo barak kuning tangi nangin tandan ipun medaging embun ring tengah batune batu ika setengan dading bunter sekadi buah ekem utama daat batu ika anggen saka wenang. Mirah ijo masinar kuning ngaran ijo manten yogya anggen madagang kautaman ipun. Mirah sambu warnan ipun klau ungu utama anggen ngastawa widi. Yan ana mirah rakrik madiut putih tur mamanik maya ngaran mirah anggrek. Yan ana soca biru kristal ening toyan ipun pakeranyah kaaksi ring tengahnya sekadi bintang kartika ika ngaran mirah inten utaman ipun sakewenang. Ana mirah dadu masurya kuning ngaran mirah mawar utaman ika busanan medal weraspati pon wenang angge. Soca akomarin ada ane gadang ada ane kristal madiut tan medaging setir. Mirah brumbun dasar ipun bang mawarna anggen mangelebur mala ring pakurenan. Yan ane mirah warnan ipun kadi lunak tur maketel putih ngaran ratna ulung. Ana soca mewarni tenggi tur ening ngaran mirah mawar. Yan mirah gadang kadi pelosor biyu tur matoyo ring tengah nia ening kristal ngaran jamrut saelon anggen pamurna kayun wenang anggen saluiring karya. Yan mirah gadang sekadi buah anggur matemahan manik maya sawiji ring tengah nia dumilah ngemprot ika ngaran mirah mata kucing daat utama. Soca marupa gadang wayah tur ening madiut ditengah nia ngandang kadi kukus ngaran bidure kresna utama. Yan ana soca ireng kumedep magurat kadi sangket ngaran bangsing tuing ngebek warnan ipun juga bangsing. Yan ana soca barak marupa batu malit sekadi jagunge makepus keniang ring tengah kaune ageng ring gok ipun ika ngaran soca bayu mertiyu utama daat gagelaran sang angewerat nangin genahan ring toyane toya ika marupa bang dumilah. Yan ana soca barak tur ening metu kukus ngaran bubur bang sinanten. Ana soca pekeranyah malit malit kadi kaca ngaran jagut. Yan ana soca sekadi kaca miwah sekadi gedah mewarna solas pekeranyah ngaran inten yan ageng ngaran berlian yan tipis ngaran er. Yan ana batu marupa soca medaging besi miwah madaging emas sekadi tampalan utaman ipun. Anggem pangimpas impas panolak bicari asing gawe wenang anggen sasikepan ring raga wiadin ring pakarangan soca ipun saluiring campur ipun sekadi temaga perak kuningan perunggu. Ana soca keristal magurat gurat mewarni tur maris rupan ipun muda sekadi pelosor biyu madiut kuning masawang barak ika utama daat linggih ida betara rambut sedana wenang sungsung medagangan. Yan ana mirah malawat mabalik uli diarep ngaran bidure sungsang wenang angge mangku miwah balian ika wenang angge. Soca putih dumilah magurat kadi rambut ring sor nia ngaran kacubung rambut sedana anggen pengijeng umah. Eles ane saluiring ngendih tat kala wengi kacingak utama daat jimat pangimpas mala. Ana batu barak maketel ijo tur makedep ngaran pirus bang yan gadang maketel barak macampur besi makilap ngaran badar piris saluiring pemargi wenang. Ana mirah bang tui batu barak yan sampun ngendih wengine kakeniang utama malih yan genahan ring suambene medaging toya dados toyane marupa bang ngaran rukmarata pangeleburan saluiring dosa mala petaka kalebur denia wekasan sira pejah kependak antuk widia dara widia dari. Ana soca ireng pakeranyab kadi siksik be madaging barak putih mawarna kadi pendok ngaran bangsing tanah. Yan ana soco kuning makedep nangin keristal mewarna petelatak kadi tampalan ngaran mirah toplas. Yan ana mirah ijo kristal yeh nia kuning petelatak warna warni ngaran mirah opal astra ali. Yan ana batu marupa soca ireng rupania magurat putih betel tur tamapak dara ngaran jagasatru. Kacubung sutra magurat pateh sekadi bungan kecubung ika ngaran kacubung sutra kalimayah anggen pengasih. Yan ana mirah mawarni trini ening jati makanten kaaksi sekadi bulan ayam ring tengah matemahan manik maya ika ngaran tri sakti wonang anggen antuk sakenatiya. Ana batu keni ring basang bene mauser dumilah ngaran userin jagat wenang anggen pengeseh. Ana soca keristal madu madiut makedep kedep ngaran jati tammi. Ana batu ireng marupa soca makedep dumilah coklat kadi netraning asu ngaran batu permali keniring lautan. Yan ana ules dongkang keniang ring dina saniscara keliwon kajeng kliwon ika utama dahat wenang anggen sang ngusadaning saluirin gering purna denia. Ana besi marupa kawat keniang ring pisang sane medal pusuh ipun ring madian ika utama ika ngaran wenang anggen sasikepan ring raga sariranta. Ana gesing tunggal ana mentik gesing ring tengah gesing tunggal ika ika ngaran pasilan gesing wenang anggen matetamban saluiring gering purna denia poma poma poma. Ana batu pakeranyah sekadi surya wawu medal ngaran kacubung inten utama daat saluiring karya sida denia. Seananing marupa mirah yan sampun medaging jejekan kebo wiyadin cekok utama daat wenang anggen sasikepan ringraga wiyadin di pekarangan. Iki kautamaning ida Begawan astiya ana mirah bang kadi darah matemahan manik maya malit kadi batun buah delima ngaran mirah bayu merta utama daat mirah ika ngasoran sekelod kelod miwah pakemit raga ring pakurenan. Yan ana soca kuning pekeranyah kadi inten ngaran jagut utama ika anggen nukangin miwah malianing pemangku wenang angge ika widi asih palania. Seluiring soca berumbun wenang angge medal ware kelion angge soca ika anggen mapurna kayun. Saluiring soca marupa ketangi tangian ngaran kacubung wenang anggen antuk pedagang miwah ring sang tukang ika utaman ipun. Bidure makalimayah sutra ika wenang anggen pangeleburan mala ring raga sariranta. Jempaka rambut sedana rupan ipun kuning nangin medaging garis garis makeh utama ika linggihan ring pedagange ane singsung linggih ida yusubawa. Kayu garu ika warnan ipun coklat tur mik yan dudus antuk dupa ngaran utama dahat anggen ngasoran bicari yan sampun dudus ngangen dupa miik sida ngasoran musuh apeneleng punah denia. Saluiring medal ring dina radite wenang anggen mirah nila ika keutaman ipun. Yan ana mirah ireng ngumedep masawang ijo masemu biru dumilah angalah alah kadi netraning kesari metu kukus meteja kadi tejan damar tur magurat gangga metring kukus materanggana kuning ika ngaran keresna dana utama dahat busana sang ngawerat madana punia tan kasor palania jagat semuyub tan wanilingrana ika utamannia. Ana sica putih sekadi beras warnan ipun dumilah metu kukus mesawang bang ring pinggir ipun ika mirah utama ngaran banyu amerta anggen sasikepan ring raga sarira muah ring umah pekarangan. Peremban bali agung (permata yang utama dan yang tidak) 1. indra danta :biru putih bercampur merah 2. widura biru :biru bawahnya hitam 3. indranila :biru bercahaya putih ( baik) 4. widura ungu :hitam bertitik putih 5. Krishna :hitambercahaya 6. Krishna dana :hitam bercahaya putih(mulia) 7. kebo kunang kunang :hitam bertitik putih 8. bangsing :hitam bersinar 9. ratna jempaka :kuning bersinar merah 10.mutiara :kuning lembut bercahaya putih(baik) 11.santen :hijau agak berwarna putih 12.mirah kacubung :tangi bercahaya merah(baik) 13.kacubung kasian :putih bercahaya tangi 14.kusiaraga :jingga bersinar(mulia) 15.mirah ulung :hitam bersinar merah 16.buburbang :tangi bercahaya putih(mulia) 17.mirah adi :merah bersinar terang(mulia) 18.manjangan bang :merah terang bertitik dadu(baik) 19.windusara :merah berkilau bercahaya putih(amat baik) 20.ratna bangkaja :merah bersinar tangi 21.nila pangkaja :biru agak dadu bercahaya merah(mulia) 22.ratna sawala :putih bercahaya biru 23.ratna banyu :putih bercahaya hijau 24. pestal :putih beang lalah 25.jaga satru :hijau bercahaya kuning 26.padma kara :kuning bercahaya jingga(baik) 1. saniscara kelion pirus beru 2. anggara manis mirah mawar mirah surya 3. buda paing mirah kuning aor barak biduri jempaka mirah adi 4. werespati pon mirah kunta mirah mawar kuning japis mekalimayah darah madiut 5. sukra pon mirah kacubung madiut tangi masawang barak mabintang bintang di tengahne safir biru. 6. sukra wage we surya ijo manten pirus daun 7. saniscara kelion windusara ratna agung mirah darah mirah juwet 8. radite mirah dewa indra nila jempaka putih pawala putih 9. radite manis jaga satru nila banyu mirah dewa angrek ulan 10. radite wage mirah putih maketel selem madan nila kanta 11. saniscara paing mirah gadang macecek dadu madan asti kresna 12. caniscara manis mirah gadang mabeng akatih madan bidure kresna.
 
SOCA UTAMA BALI – LONTAR II 

Om awigenam astu nama siwaya astu nama sidyam !!!!! Mirah ireng kumedep makunang kunang macecek putih wenang anggen sang maweton ring dina buda manis. Mirah putih mateja biru mirah dewa ngaran kawenangang majaya jaya. Mirah mateja putih masawat agung dumilah maka penangkeb musuh sarwa satru winesanam pangabaktya ring ngeka. Mirah bang meteja ireng matuntung putih. Makandus nila utama maba pengelalah bicari maka atma raksa keniang bencana palnia. Mirah putuh meteja dadu padma raksa ngaran wenang ngeraksa ubuh ubuhan panewae ambil toyane. Mirah marupa ireng maklyah bang masorot dewania betara siwa wenang maka kalung metu ring dina werespati kelion. Mirah putih mateja biru mirah dewa ngaran. Cempaka ngaran mirah kuning mateja bang wenang penganggen sang putus. Mirah pang kaja ngaran mirah biru mateja ratna masawang dadu muah bawania tangi. Widuri ngaran mirah dadu macecek gadang pemangku wenang anggen. Kacubung kasihan ngaran mirah putih mabawa tangi penganggen sang maweton ring dina werespati kelion palania angilangakan wigna anggen madolan wenang utama daat. Mirah kuning mateja kadi mega ngaran karatwi penganggen sang awerat suksema ngaran. Salwiring mirah seliwak tengi widya utamaning utama penganggen sang pandita maka sarana meretika sawa wasuhnia maka pangentas agung alit twi utama. Kautamaning mirah beliwah yan duke urip memati mati nyetik ngeracun anesti aneluh anerang jana wyadin ngerabinin wong rabi dadi purna denia. Biduri mirah dadu maswat putih pangaanggen anak istri wetunia ring dina anggara. Widuri nasika ngaran mirah tangi marupa dadu yadnyan macelek tangi matutuk ireng wenang anggen ngubad. Mirah dadu macecek tangi ngaran kacubung. Mirah bang makleyeb putih mateja tangi makukus putih nila geni ngaran utama lwih. Mirah putih kuning mateja telu ngaran ratna rupa anggen pangelukatan wong agering. Mirah maklyab putih metu geni murub macelek sada jenar ngaran mirah kebo salenang anggen wong istri buduh waras denia. Mirah ireng maklayab putih mateja barak maswat suat mirah ulung ngaran anggen ngubakti. Kusuma wira nata ngaran mirah biru mateja bang kadi geni murub mahulu tejania utama lwih. Mangala rauni ulan ngaran mirah putih kuning mateja kadi tunjung nyatur mangeleg gading panganggen pamangku kahyangan tiga. Mirah putih makedep cekok yadian banjo matela kuning ring tengah makedip putih dyutnia kadi inten mirah didih ngaran wenang buntil ring sabuke maka pengeraksa jiwa. Mirah gadang kadi barak anggur matemahan manik maya ring tengan dumilah ngencerot mirah mata kucing ngaran yania mateja geni marub kadi bianglalah jaga satru ngaran utamaning utama gegelaran yuda. Mirah gadang wayah tur kening cahyania madyut ring tengah ngaran mirah kresna windu sara utama. Mirah bolong yadian rengat maka busanan yang siwa maka anting antingnia wantah sarining gunung ika dahating utama guna ngerangkep. Salwiring batu mawor wesi perak tambaga kuningan timah wenang anggen ngalahang durjana. Yani kayu mamatu katonia kadi batu maka pasikepan raga. Cacing duyung wong maka pamunah salwering wisya cetik racun purna denia. Kukun linjong klesih wenang anggen ngentas anak sakit kene bebai panempur upas sarwa mangan sarwa ngutil. Tanduk asu campur lernias kelor anggen kemit pakurenan. Benag wiadin kapas bakat diumah nyawane yadian ring madunia wenang maka pangaraksa jiwa muang pangasih . muah batu bolong buluh empet les kelor maka pangimpas tan kasoring musuh mangging pasupati dumun ring marajapati. Les dadap warna tiga lweri putih coklat kuning wenang anggen pangijeng umah maka pangasih widi wangsuhnia maka pangelukatan. Les jepun warnania ireng putting wenang anggen ngastawa widi sanghyang ludra asih jadma manusa asih. Mustika kopine pateh ring besi kuning wigunania kadi warna kopi pakedipdip anggen pangimpas agung. Kayu marupa batu bakat ditengah kayune ageng ngaran manik pat maraksa wenang anggen pengasih. Batu yan bakat dibasang lelipine wenang anggen gagelaran. Kules lelipi membatan didukur baleen utawi duur umahe utamania wenang anggen pasikepan maperang tan katon dening musuh. Mirah jaga satru ngaran gadang matrawang kuning yadian matrawang bang utama salwir tapakaning pande punah tan mentulin lumah kawisi san manusa punah denia. Maduri mirah bang macecek putih durwen betara sambu panganggen sang moton dina sukra. Manjangan bang ngaran mirah barak makleyab kuning kadi surya mirah adi ika utama. Mirah bang biru matelepek kacubung kasihan wenang anggen nungkap swarga tan keniang neraka. Mirah nila pangkaja mirah anom rupania mabawa abang masawang sada dadu wenag anggen sang meoton dina buda. Kakajang sarat kepla ngaran mirah mabawa bang nguda mklyah putih wenang gagelaran mabakti ring pura pura. Mirah kining masawat bang mirah cempaka ngaran wenang panganggen sang putus wiyadin pamangku widi. Ane madan mareta sanjiwani mirah cempaka plang maserat putih muang bang matunjung kuning majajar ngda sedana ngaran derwen parayang nilakantu wenang anggen pamunak wang bina upadrawa muang kena cor. Yan wana gesang tunggal yan warna gesang mentik ring tengahing gesang tunggul kepasilan ggesing ngaran wenang anggen matetamban. Salwering gesing nyungsang ngaran wenang anggen pasikepan maka pamelik bahananing pakrya ala. Soca putih bawat saking arepne bading utama pamalik pakrya ala. Penyalin mabalik bukune pateh kadi perang sungsang pakenohne. Salwir sane kanten ngendih ring kala wengi yania keniang utama wenang anggen pangimpas tur karwat pitarania yan anggen pangeleb toyan pengentas mapan druwen hyang siwa ika. Wet magenah ring gunung mandara giri kapinget antuk nawa sanga. Tataka sih samudra sara ngaran mirah kuning mateja putih makukus kadu ombak utama ika wenang anggen mebakti disegara yadian dipura dalem maring surya. Mirah ireng kumedep madyut biru masetur kuning mahurat kuning kadi kalimayah ngaran narayanasiwa skala iki utama penganggen sang putus muang sang mawarat palania asih wong kabeh duluran bakti ring hyang siwa muang hyang tiga sakti. Mirah bang masawang ireng makurat putih kadi padma matelu selem ngarang padma agung utama dahat anggen gagelarang di pakurenan panglipur lara sihing widi. Soca hireng kumedep kadi sisik be pakreyeb utama makueh pangerak siania. Besi kuning lanying keniang ring sebum titiran wenang anggen pengeraksa jiwa muang matetamban. Batu medading besi kadi matempelan utama anggen pangimpas cetik muang bicari. Kules dongkang kakeniang nuju dina soma kelion byantara wenang anggen tamba salwer waras dinea. Besi kadi kawat yan keniang ring punyan pisang sami misi pusuh wenang anggen pasikepan kweh pangeraksiania. Manik maya ngaran mirah marupa tuning utama palinggihan hyang siwa tiga pengasih jiwa manusia karang mirah iki. Mirah cempaka wilis gadang terus mateja maserat kadi rambut ngaran rambut sedana utama dahat wenang anggen pengasih muah pengastawa hida hayu swabawa ring khayangan melanting sane kaloktah ring para dagang. Mirah ijo manten pirus jambrut sapir biru laut sang maton dina buda wangi. Sutangsu katatwania duking sang panca pandawa nangun tapa ring gunung mandara kana mijil geni putih ring ajeng ida marupa manik putih matemahan manik maya madiyut kadi bianglala metu kukus mateja kadi damar magurat ijo wenang anggen nolak musuh mawisesa muang bicari. Mirah ireng maswar maswar lalima kuning kuning ngaran jaga satru utama warang gelang meyuda. Mirah ireng makening lumidep tan paketuh mesinar kadi surya wawu endag mabyang lalah tur mekukus kadi tijan damar keresnadana ngaran luihing mautama tan saman pada. Mirah bang putih maklyah tangindumilah metukukus windusara ngaran utama dahat panulat satre bemit tuwuh anggen maran sing sawa. Mirah bang lumidep kantenayene nyemporot kadi surya wawu endag yadyan genahang ning lumbunge medagang toya banten barak toyane ngaran mirah nukma naksa mirah ayu palamia ketamanan salura sanjata saka luir satru welah asih toyane wenang mala pengeleburan gamelaning desa. Mirah kadi batu delima mewarna putih barak nguda kuning ireng biru ungu yaden alit cekak cekok iki dwi sarin tanah sarin toya sarin sinar ika madurgana ngelangkep. Mirah ireng kumidep madyut putih mekawat kuning kadi songket misi urat sisik kuning matejo ijo muah biru maswer kadi manu manu metu genii ka mirah pertara wejaya ngaran dahating utama paying gionak agung. Mirah abang mesurya dumilah mirah adi ngaran utama anggen pakemit naga muang pakurnan. Mirah kuning mateja kadi maluh alah tur madyut kadi metraning mageni tesan mekukus ngaran sitengsu sarin tanah ika ring genah bang arjuna mangun tapa jaga satru ngaran maka penulak satru malih windu sarane mango pangijeng karang muang panulak musuh sakti mapan windu sarane taler sarin tanah genah seng bima mayoga. Mirah bayu ngaran kadi getih dumilah malak malak metu kukus matemahan manik maya maka sarin tanah genah dewi kunti mangun tapa utama dahat mirah ika. Mirah masurya kembar surya candra ngaran sarin tanah ring genah sang makula matapa utama anggen melelungan muang anggen ngastawa betara tiga sakti. Mirah ireng masawang ijo biru tur mateja kuning madyut putih kadi matranung mong metu kukus mateja kadi damar malih dumilah nia katon kadi bintang kartika mawat gangga solas warna kresna murti ngaran dakating motama penganggen sang ngawa rat. Mirah putih maketik selem mila larta ngaran wenang penganggen sang moton dina redita wage. Mirah gadang mecelek dadu ngaran astikaresna penganggen sang moton ring dina sanissara umanis. Mirah biru maserat benang akatih ngaran biduri segara anggen anggen sang moton ring dina sukra umanis. Mirah maseter barak manik maya ngaran luih utama palania pangasih agung. Mirah intan rupania putih maning mateja kuning madyut kadi berlian kadi bintang kebyat kebyut utma anggen ngastawa widi muang pedagang. Mirah warna telu bang putih ireng penganggen sang pandita ngaryanin tirta pangentas ngentas atmaning wong pejah mangde poleh suarga luih suksmaning dosania kari maurip kapupug punah dinia wekasan manggih suarga luih tan kening neraka palania. Mirah kebo sakenang rupania putih mahening mateja kadi surya ring tengah tejania maklilit masemu bang kadi bintang kartika utama iki wenang anggen sang isteri madolan yan lanang tan mari duduning pawisteri. Mirah ulung ireng maklip manik maya bang kadi geni merup utama wenang maka panolak baya ring marga. Batu gadang mebebed barak manggeh pengasih serti. Batu selem mebebed pemas gangnia kadi rambut utama anggen pasikepan raga. Batu bebed baling ngembak bebed tunjung ngaran panolak satru sekala niskala. Kakajang sarat kepge ngaran mirah mebawa tangi abang nguda maklyab putih makukus putih wenang gelarang mebakti kepura pura. Mirah kuning maswat gunung swat abang wenang pangangge sangputus ngaran cempaka. Iki swarnaning kayu mautama ngaran gaharu cendana rahma siwa pradah kaswa suleman menengan cendana jenggi majagan caking midara jelema pahang socane ketemu kepasilan tieng kayu arang bun selimpat.kepasilan utama luirnia tieng delima putih biu kelor biu dapdap gedang jagung kesela sawi keladi jepun kopi duk sundul papah sundul. Besi kuning besi tawar besi belek. Manik tautama ringin kentang cekuk deliman kakul kelor tombong beluluk beras yeh. Tulang mautama luere warak waya duyung manusa lutung. Batune motama luirnia batu makocok batu medaging toya ning tengahnia medaging emas perak besi batu berumbun batu bebed batu gadang lumut naga swi ngaran, utamaning akik suleman madu darah anggur mawar. Batunia saluiring motama patut karyania laba luire segekan barak akepel segekan sasahan sea tanding canang sari pamanisan katuring ketara sakti tengahing segara. Mirah selem mateja nilawarsiki ngaran cempaka selem makweh pengeraksania side anggen nambanin salwir gering. Mirah putih mesawang biru medasar bang masurya putih kuning masawang bang muaang ijo ring tengah mebebed kadi benang tur mecelek kuning ngaran benang saweles luih utama jaga setru ngaran wenang mangge pakekasik wenang maka penawar gering sakeluir tan malah dening gunaning wong mawisesa muang saluiraning pakerya ala tan ketaning utuh wenang gawe saluir karya rahayu saparania. Mirah bang macana dadu kumidep yen genahang ring toyane bang ikang toya iki mirah luih utama manjangan bang ngaran asing ngangge mesumu lyang dunia tan birang arta berawa temahania dewa widi manusa sih dunia. Mabyang lalah bang maklyah kuning muah putih ika jati mirah luih utama pengangge sang ngawa rat ngawa ronjak pamimpin gumi muang saluir karya wenang anggen dadi mapangaruh saparania tan birang raja berama kadong mitranepasih dunia sidi wakya muang guna. Mirah keresna dana ngaran rupania gedang mewarna tiga surya tiga ngaran mesinar kelawu gadanag ireng mirah keresna rupania ireng abawa kuning gadang wenang anggen mayoga. Malih mirah kresna ireng malyah putih makedip bawania masemu gadang iki luih utama sekarya wenang anggen. Mirah indra kila biru maklyah putih bang wenang anggen pasikepan ring raga. Mirah indra kila biru nguda wenang anggen mabakti muang mabaos. Mirah manten ring sor akawa dadu muang tangi wenang anggen madagang. Mirah kadi ireng malyah dadu marupa mangekocok angilangan sarwa lutih maka pengelukatan. Mirah biru kunang kunang ireng dumilah mecelek kuning anggen ngubuh bawi. Mirah ulung putih abawa bang muang ireng. Bangsing ireng mecorot putih maswat swat bangsing asli iki. Ijo manten gadang abawa putih bandega wenang angge. Mirah putih abawa tangi ngaran mirah kastuba wenang anggen penawar gering. Mirah kecubunge tangi abawa bang bang abawa tangi. Ratna kumuda barak abawa tangi anggen mamakti. Widuri dadu macecek barak anggen suang. Widuri kresna ireng macecek putih anggen suang. Mirah kacubung kasian putih abawa tangi. Mirah er geni rupania bang mateja selem. Mirah adi rupania bang ateja sekadi surya pengangge wong istri. Mirah padma kara abang alatu latu kumedep. Mirah padma agung perak byak nia mider rupa wong teranjana cemeng tiga warna. Mirah jaga satru putih sekadi alyah wenang anggen pakakas. Mirah cempaka kuning abawa tangi bang penganggen sang putus muang ngubakti. Windu sara ngaran adiptu kuning utama bang masawang dadu malyah kuning wyadin putih. Sehananing mirah seliwah dahat mautama. Mirah banyu maklyah gadang biru kadi toya luih utama anggen betara wisnu. Batu makocok yen belah misi batu selem mesawang kelawu ngeredep sada beru batu tualen ngaran gunania. Lwih angge jimat isin sabuk ngeranayang teguh tan kalah yening gunaning manusa lyak pepasangan acep acepan wenang maka penulak musuh tan malah dening gunaning manusa sakti lyak pepasangan acep acepan palania tan kena twapati ayuning parania widi dewa betara pada sih kadang mitra asih. Yan barak rupania kadi tembaga muang kadi sekaring tunjung bang malih awas batu ika yan ring tengahing batune ane marupa kadi windu makurung kurung rupanin kadi benang kaya iki wajahnia batu meradah ngaran gunania patuh kadi batu tualen. Yan jambrud warnania kadi rata wilis kaya ron wilis sinah tejania mega asirat jenar diptania dadu kadi dilah ring damar umider umider utama dahat hyang sangkala diwania ring aksarania. Yan mirah biru pelung mesawang selem selem ngeredep matejan klyah putih muang kuning nila pang kaja ngaran batu sapir iki. Yania batu marupa gadang lumlum gadang tua gadang plosor byu maklyah putih kuning klawu kaya rupaning widuri muang kacubung putrid cina ngaran dewan nia hyang sangkara maka pekakas luih salampah laku nia tan manggu baya bencana suka sugih tenemunia.
Om santi,santi,santi Om.